sparikrukkan – vika 40

namskeid

Kæru vinir,

Nú er vika 40 og við setjum 4.000 krónur í krukkuna góðu.
Nú eiga því að vera samtals 82.000 krónur í krukkunni.

Sparnaðarráð vikunnar er að muna að í hvert sinn sem kaupum eitthvað þá erum við að eyða pening 

Fjármálavandi er hegðunarvandi

Fjármál okkar fara í hringi, rétt eins og öll önnur hegðun okkar. Venjurnar myndast af því að við verslum aftur og aftur það sem okkur líkar eða við þekkjum. Þegar við förum út í búð að versla í matinn eða veljum okkur föt veljum við yfirleitt það sama eða eitthvað sambærilegt vegna þess að okkur líkar varan og þjónustan. Þetta er hegðun sem er orðin rótgróin í undirmeðvitundina og gerir okkur kleift að framkvæma án þess að hugsa mikið. Við kaupum þess vegna aftur og aftur það sama í matinn því við höfum vanið okkur á að borða mat sem við þekkjum og kunnum að elda.

Á sama tíma og vani getur hjálpað okkur og gert daglegt líf einfaldara getur hann orðið til vandræða. Fjármál verða t.d. að vanda þegar þau verða að vana. Eins og með aðrar venjur mun heilinn hætta að hugsa því oftar sem við endurtökum hegðunina og sjálfvirkni undirmeðvitundarinnar tekur við. Við hættum að veita athygli því sem við erum alltaf að kaupa – aftur og aftur.

bok-ofan-post