Ert þú með Facebook fíkn?

þitt-alit

Facebook er ekki bara vinsælt af því að það er hægt að vera í samskiptum við gamla vini og ættingja erlendis eða af því það er svo þægilegt að ná í alla. Facebook er fyrirbæri sem flestir festast við vegna þess að það er hægt að hnýsast í líf annarra án þess að spyrja spurninga eða trufla. Fólki finnst nefnilega ekki þægilegt að deila tilfinningum og því er yfirborðkennd samskipti eins og gegnum Facebook notað. Að auki getur þú verið önnur manneskja á Facebbok en í eigin persónu. Facebook gefur líka smá seinkun á samskipti þannig að hægt er að leiðrétta ef annað fólk tekur orðum þínum illa. Þá er hægt að firra sig áburgð og skella skuldinni á Facebook með því að segja að „það á ekki að taka Facebook alvarlega“.

En stundum tekur fólk texta og athugasemdum sem skrifaðar eru á Facebook svo illa að það kvartar undan framkomu þess sem skrifaði. Óvarleg orð geta jafnvel ratað í aðra fjölmiðla og blogg með tilheyrandi (ímynduðum) álitshnekkjum. Þá upplifir fólk áfall þegar „örugga“ umhverfið verður skyndilega að veruleika og ekki er hægt að leiðrétta mistök með broskalli og tilfinningar vegna mistaka og niðurlægingar eru óumflýjanlegar og óþægilegar. Stundum virðast þær óyfirstíganlegar.

Ef þér líkar þessi veröld yfirborðskendar og tilfinningalegs ábyrgðarleysis getur Facbook orðið að fíkn vegna þess hve auðvelt er að „geyma“eða fela tilfinningar sínar og vera í „þægilegum“ stýrðum samskiptum við alla en samt einangraður frá umheiminum. Fíknin lýsir sér þannig að Facebook yfirtekur daglegt líf. Eðlileg virkni eins og að borða, vinna, vakna, sofa og eiga bein og eðlileg samskipti við fólk fer úr skorðum.

Merki um Facebook fíkn:

1. Úthald- Þú hefur aukna þörf fyrir meiri og meiri tíma með Facebook, sem þýðir að þú hefur þörf fyrir meiri ánægju og uppfyllingu í þitt líf. Að fara á Facebook þrisvar sinnum á sólarhring er þegar of mikið og þegar það er fimm sinnum eða meira þá ert þú nú þegar orðin hjálparvana og háð/ur.

2. Einangrun eða draga sig í hlé- Þú upplifir eirðarleysi og verður niðurdregin/n. Facebook hefur áhrif á félagslega virkni þína. Kvíði og þráhyggja fylgir stöðugum hugsunum um það sem er skrifað á Facebook vegginn þinn, athugasemdir og annað sem tengjast því.

3. Félagslíf og önnur samfélagseg samskipti færast á Facebook- Í stað þess að senda e-mail birtir þú frekar skilaboð á Facebook veggjum vina eða sendir “invite”. Þetta þróast út í að þau samskipti sem þú hefur við fólk verða aðeins í gegnum Facebook.

4. Rafrænar tilfinningar- Þetta er orðið mjög alvarlegt þegar þú sendir tilfinningar gegnum Facebook síðu, til dæmis kyssa kærasta/kærustu.

5. Þráhyggja yfir annarra lífi- Það tekur þig um 20 mínútur að rúlla yfir vinalistann og þú ert með að minnsta kosti 8-10 vini sem þú þekkir lítið eða ekkert.

6. Ný samskipti síuð- Þegar þú kynnist nýju vini og fólki spyrðu hvort þeir hafa Facebook reikning, og síðan biður þú um að “adda” þér. Þú kveður fólk með orðunum „sé þig í Facebook“.

7. Óeðlileg tilfinningatengsl- Þegar þú færð athugasemd, skilaboð, gjafir eða ný vinur “addar” þér virðist þú í vímu, upplifir yfirþyrmandi viðurkenningu, verður merkilegasta persónan, jafnvel líður eins og þú sért á hátindi lífins.

Fleiri merki um Facebook Fíkn eru:

1. Þú ert á Facebook allt kvöldið og það hefur áhrif á daglega virkni og venjur næsta dag, þreyta og jafnvel sefur yfir þig.

2. Þú eyðir meira en einni klukkustund á Facebook á dag.

3. Færð þráhyggju yfir fyrrverandi mökum og fylgist með þeim á Facebook.

4. Þú hunsar vinnu eða heimilisstörf og ert þess í stað á Facebook eða notar vinnutíma til að fara á Facebook.

5. Ef þú ert einn dag án Facebook upplifir þú streitu og kvíða og tilfinningu um missi.

Ef að þú upplifir stundum eða oft líkamleg einkenni á borð við kvíða, spennu eða eirðarleysi vegna upplýsinga og skrifa þinna og annara á Facebook er möguleiki að þú sért með fíkn.

Ef þú óttast að þú sért í fíkn eða stjórnleysi gagnvart Facebook eða samskiptum á Facebook er ráðlagt að sækja sér aðstoðar.

Gangi þér vel.

panta-bok-fritt