Ástæður skuldsetningar

Untitled-1

drowningÁrið 2005 kom út bókin Not waving but drowning eftir Antony Elliot. Bókin byggir á niðurstöðum tilviksrannsóknar á yfirskuldsetningu (e. over-indebtedness) breskra heimila. Samkvæmt Elliot er því er almennt haldið fram að yfir-skuldsetning og fjárhagsvandi stafi af því að eitthvað veldur því að fólk missir stjórn á fjármálum sínum og það getur ekki lengur unnið sig út úr skuldastöðu sinni. Rannsókn Elliot leiddi hins vegar í ljós að það voru ákvarðanir fólksins og lánastofnana sem leiddu til yfir-skuldsetninga.

Elliot telur upp þrjá þætti sem helst skýra yfirskuldsetningu:

  1. Innri og ytri þrýstingur, svo sem félagslegur eins og að viðhalda status eða krafa um aukin útgjöld frá maka eða fjölskyldumeðlimum.
  2. Barnsleg hugsun (e. naïve), óupplýst eða fífldjörf fjármál þar sem viðhorfið er að aðstæður muni einhvern veginn lagast eða gera sér ekki grein fyrir afleiðingum skulda eða kostnaði þeirra.
  3. Lánastofnanir meðvitað freista skuldurum með viðhorfum um að skuldsetning sé auðveld og einföld. Svar allra í rannsókn Elliot við því hvers vegna lán voru tekin var að þetta var of auðvelt (Elliot, 2005).

Við teljum að niðurstöður Elliot geti hjálpað okkur almenningi að skilja hvernig lánastofnanir og bankar vinna og nýta sér stöðu okkar þegar lán og önnur viðskipti eru veitt.

Neytendavakt Skuldlaus.is mun á næstunni birta fleiri niðurstöður úr rannsókn Elliot en þeir sem vilja geta nálgast þetta áhugaverða rit óþýtt hér: Not waving but drowning: Over-indebtedness by misjudgement eftir Antony Elliott (2005).

panta-bok-fritt